ijo SCP-527
rating: +3+x
fish.png

ijo SCP-527.

nanpa ijo: SCP-527

kulupu poki: kulupu Juki

kulupu pi suli pakala: kulupu Walan

kulupu pi ken pakala: lukin

nasin poki: o awen e ijo SCP-527 lon insa tomo pi poki jan lon ma nanpa 19. poki pi ijo SCP-527 li wile ala nasin poki namako.

sona: sijelo pi ijo SCP-527 li sama jan mije li nasa ala. taso, lawa ona li sama lawa pi kala lili jelo. lawa taso li nasa. ijo SCP-527 li jo ala e wawa nasa e ijo nasa namako. nasin pali pi lawa ona li sama nasin pali pi lawa jan. ijo SCP-527 li ken toki sama jan. sitelen awen li lon selo noka. sitelen li toki e ni: "jan Kala tan kulupu Jan Lili ® tan jan sona Musi".

kama sona: tenpo sike nanpa 2002 la ma tomo Basen la jan pali kulupu li kama sona e lon pi ijo SCP-527. tenpo sike nanpa 2004 la jan li tawa e ona tawa ma nanpa 19.

sona sin nanpa 527.1: toki nanpa wan

[O OPEN E LIPU]

jan sona Peka: ijo SCP-527 o, sina pona tan ni: sina utala ala e mi mute. toki ni la mi wile kama sona e ni: sina jo ala jo e nasa namako.

ijo SCP-527: n.

jan sona Peka: open la sina ken ala ken kon lon insa telo?

ijo SCP-527: ala.

jan sona Peka: n. sina ken ala ken toki tawa kala?

ijo SCP-527: ala.

jan sona Peka: n. sina kama sona e nasa sina lon tenpo seme? ken la kala nasa li utala uta e sina anu seme? sina toki tawa jan sewi pi telo suli anu seme?

ijo SCP-527: ala.

jan sona Peka: n… sina li nasa tan tenpo mama sina anu seme?

ijo SCP-527: n.

jan sona Peka: mi… n. sina sona ala sona e ni: sina jo ala jo e nasa namako?

ijo SCP-527: ala a. tenpo pini la mi toki e ni tawa jan ante. ni taso li ale. sina lukin e ale. jan Powe en jan Linja en jan Seli en jan Suwi li jo e ijo pona ale. mi jan ni taso: jan pi lawa kala.

jan sona Peka: sina… sona ala sona e ni: mama sina li wile pali e sina tan seme?

ijo SCP-527: pakala. mi sona ala.

[O PINI E LIPU]

sona sin nanpa 527.2:

o lukin: jan li toki e wile tawa ijo SCP-527 la ona li ken pana e lipu ni.

a! tenpo lon la sina alasa li kama jo e jan pi kulupu Jan Lili ®. kulupu Jan Lili ® li kulupu pona tan jan sona Musi.

o kama jo e ona ale o kama jan Jo a!

01. jan Akesi
02. jan Lawa Ala
03. jan Mu
04. jan Sona Ala
05. jan Sijelo
06. jan Weka Jaki
07. jan Wile Moku
08. jan Kiwen Jelo
09. jan Seli
10. jan Suwi
11. jan Ale en jan Moli
12. jan Kala
13. jan Mun
14. jan Lojje (weka)
15. jan Mani
16. jan Tawa
17. jan Powe
18. jan Pilin Utala
19. jan Monsuta
20. jan Linja

Unless otherwise stated, the content of this page is licensed under Creative Commons Attribution-ShareAlike 3.0 License