SCP-173
rating: +1+x

Objecto #: SCP-173

Classe del Objecto: Euclide

Proceduras Special de Continemento: Le objecto SCP-173 debe esser continite in un camera serrate tote le tempore. Quando le personal debe entrar in le camera de SCP-173, al minus 3 debe entrar al mesme tempore e le porta debe esser reserrate post illes. In tote momentos, duo personas debe mantener contacto visual directe con SCP-173 usque a que le tote personal ha evacuate e reserrate le camera.

Description: Movite a Sito-19 in 1993. Su origine es ancora incognoscite. Illo es construite de beton e barras de armatura con tracias de tinta aerosol de marca Krylon. SCP-173 es animate e extrememente hostil. Le objecto non se pote mover in un linea de vista directe. Le linea de vista con SCP-173 non debe esser interrumpite in ulle momento. Le personal assignate a entrar in le camera es instruite a alertar a le un le altere ante palpebrar. Reportos monstra que le objecto attacca rumpente le collo desde le base del cranio, o per strangulation. In caso de attacco, le personal debe sequer le proceduras de continemento pro objectos periculose de Classe 4.

Le personal reporta sono de raspar petras, proveniente de le camera quando nemo es presente in le interior. Isto es considerate normal, e qualcunque cambio de iste comportamento debe esser reportate a le supervidente HMCL in servicio.

Le substantia brun rubee super le solo es un combination de fece e sanguine. Le origine de iste materiales es incognoscite. Le camera debe esser nettate cata duo septimanas.

Unless otherwise stated, the content of this page is licensed under Creative Commons Attribution-ShareAlike 3.0 License